Penguin acaba de dar no albo cunha colección de clásicos editada en Australia, Nova Zelandia e India, da que leva vendidos máis de 250.000 exemplares en 3 meses. Baixo o mesmo prosuposto que a idea orixinal de Penguin: libros por menos do que custa un paquete de tabaco, Penguin lanzou esta colección, con títulos de dominio público entre outros que non o son, a 9,95 $.

Non estou certa porque fumo pouco e de liar, pero creo que un paquete de tabaco anda aquí por uns 3 €, sería este o prezo máximo para unha colección de éxito dos nosos clásicos? Ou deberían mesmo ter un prezo menor porque os nosos soldos son menores que os de australianos e neocelandeses? (sospeito que o caso da India é un bocado diferente, con ámbitos de venda restrinxidos case ás universidades, mesmo a través de recomendacións oficiais, mais isto é só unha suposición, pois tamén non coñecemos o desglosamento das vendas por países.)

Nos últimos días tivemos noticias dalgún proxecto galego no mesmo sentido. Oxalá lembren que o prezo do exemplar vai ser crucial para o seu suceso.

Is Penguin Trying to Rewrite History?.