HathiTrust Update…03.13.10 « The Proverbial Lone Wolf Librarian’s Weblog.
Arquivos mensuais: Marzo 2010
Aldiko: ler libros en Android
Como dicía na aotación anterior, se queres ler libros en formato ePub en Android, recoméndoche Aldiko que, aínda que non sincroniza por wifi con Calibre, ten para min a mellor interface de lectura de libros para móbiles que coñezo. Encántame a transición de páxinas tan suave, a facilidade para regular a intensidade da luz, e ademais é de balde.
O deseño cadrado que aparece nesta anotación é un código QR. Se instalas no teu teléfono un lector de códigos e o escaneas, abrirase o navegador do teu móbil e dirixirate directamente á sección do Market de Android onde podes descargar o lector de libros Aldiko. Pode crearse un código QR para partillar con facilidade calquera páxina web a través das múltiplas ferramentas que existen en Internet.
Como crear un ePub
Nate ten toda a razón. Se queres crear un ePub non tes máis que facer o seguinte:
1.-Arrastrar un arquivo (DOC/HTML/PDF) dentro de Calibre.
2.- Seleccionar conversión a ePub en Calibre.
3.- Incluír metadatos e imaxe de capa.
As florituras deixarémolas para outro día, pero aproveito para comentar que se tes un teléfono con Android, podes baixar do market unha app para ler libros -na seguinte anotación porei a miña preferida- e formatalos co calibre para lelos no móbil. Calibre permite a sincronización por wifi para subir os libros ao teu móbil sen andar conectándoo ao pc, pero en Android parece que aínda non funciona demasiado ben a cousa.
Librarías universitarias e Expresso Book Machine
A Asociación Nacional de Librarías Universitarias dos EUA acaba de asinar un contrato con On Demand Books, fabricante da Expresso Book Machine, para surtir máquinas para os seus 3.100 establecementos asociados.
A noticia é moito máis importante aínda do que poida paracer inicialmente. A máquina máxica adóptase como ferramenta familiar nas librarías univrsitarias; os seus clientes, compradores habituais de libros, afanse a novo modelo de impresión baixo demanda, aos novos estándares de calidade que producen estas máquinas e a ter calquera libro do catálogo en cuestión de minutos. E sorprendentemente popularízase o servizo.
víaCollege Bookstores to add Espresso Book Machines | Nate’s Ebook News.
TOC 2010: Tim O’Reilly, “The Future of Digital Distribution and Ebook Marketing”
Harlequin offers books on Nintendo DS in Japan | TeleRead: Bring the E-Books Home
Hai poucos días comentaba Marcus neste blogue que non tiña moita fe nas posibilidades da DS como lector de libros, dada a baixa resolución da súa pantalla. Non o sei, repito que teño pendente probar a instalar na de meu fillo unha app que anda por aí desde hai tempo pero aínda non atopei tempo nin ganas de facelo.
No Reino Unido e en Francia anunciáronse hai uns meses varios pacotes de libros clásicos para a DS . Agora é en Xapón onde se anuncia a saída de novalas rosas de Harlequin: títulos antigos fronte a títulos novos como pique. COnseguirá Harleqin o que non puido conseguir Dickens?
Harlequin offers books on Nintendo DS in Japan | TeleRead: Bring the E-Books Home.
A Coruña lamenta de novo a desatención ao Cultur.gal
María Xosé Bravo: «[...] A celebración do “CULTURGAL” durante os anos 2007 e 2008 tivo unha acollida moi favorable entre as industrias culturais e foi un importante apoio para as asociacións do sector pero “no ano 2009 a actual Consellaría de Cultura e Turismo decidiu suspendelo alegando falta de recursos para a súa organización”. No pasado período de sesións o BNG presentou unha iniciativa na que se instaba á Xunta de Galicia a que no ano 2009 se celebrara o CULTURGAL, baseándose nos anos 2007 e 2008 como “fito importante” na política de promoción, proxección das industrias culturais e elemento dinamizador da cultura galega. Con este evento celebrado no ano 2007 co Goberno bipartito, “a Xunta apostaba por visibilizar as industrias culturais galegas dándolle pulo no ano 2008 cunha gran afluencia de público”.
A Concelleira de Cultura María Xosé Bravo lembrou que foi en decembro de 2008 cando a anterior Conselleira de Cultura, Anxela Bugallo, fixara A Coruña como sede permanente de Cultur.gal despois de avaliar a moi boa presenza de público na feira celebrada ese mesmo ano na cidade herculina que superou as 37.000 persoas, o que significou cuadriplicar a asistencia á primeira edición (nova que continúa a ser a última entrada da web oficial do Cultur.gal).
A Concelleira de Cultura da Coruña considera que a Consellería dirixida por Roberto Varela cometeu un importante “un erro” no ano 2009 por non seguir apostando por esta iniciativa sendo a cidade da Coruña en solitario a que impulsou a celebración da Feira o pasado ano. O Partido Popular argumentou no ano 2009 non contar con recursos nin tempo para organizalo, mais a concellaría de Cultura de A Coruña que dirixe a nacionalista María Xosé Bravo foi quen de poñer en marcha unha iniciativa semellante baixo o lema Achegarte que foi outro “rotundo éxito” con máis de 40.000 visitantes. [...]»
Se o ano pasado a Xunta negaba o apoio por falta de tempo e diñeiro, a organización institucional e o esforzo dos voluntarios demostraron que se podía facer con pouco diñeiro e montalo nun mes. Nesa altura, ao tempo que botaban a culpa demagoxicamente aos editores por non tela organizada, prometeron que para 2010 apoiarían a Feira. Por min que fagan o Cultur.gal onde sexa, mais, por favor, que as cifras de visitantes e participantes conseguidas até agora non baixen: as do ano caro ou as do barato, tanto me ten se o país non perde.
víaA Coruña lamenta de novo a desatención ao Cultur.gal | O levantador de minas.
Libreiros franceses espilidos
Os libreiros franceses están a preparar unha plataforma común que non estará lista até xaneiro de 2011, é cando 9 librarías independentes, considerando que non deben agardar tanto tempo nin a que tanta xente consiga poñerse de acordo, deciden montar a súa propia plataforma, e fano. Entrarán en xaneiro na plataforma común, mais mantendo a súa autonomía e os seus recursos. Ademais, como son xente creativa, distribúen libros a domicilio en París en bicicleta. En menos de 3 horas desde a compra podes ter o teu libro na casa. Ah, e ademais fan un programa de radio.
Vía thebookseller
A xogar nas bibliotecas
El profesional de la información
Inma Doval pásame a ligazón para o número deste mes da revista El profesional de la información, que este mes está integramente dedicado ao libro electŕonico. Moitas grazas, Inma.