Predicións sobre os ebooks

Publicado o 26 Febreiro 2010 por Tati Mancebo

Michael Serbinis, CEO de Kobo, Fala sobre o ebook en 2010:

1. Ten que haber un lector de $99.

2. Bestsellers a $4.99. Como se experimentará con todos os prezos habidos e por haber, acabarán por ofrecerse tamén a este prezo, inimaxinábel hoxe.

3. Amazon porá á venda o Super Kindle.

4. Os usuarios compartirán os seus libros con liberdade de copia.

5. Venderanse máis de 15 millóns de ereaders. Aparecerán novos provedores que restarán cota a Amazon e a Sony.

6. En 2015, un mínimo do 50% das vendas de ebooks provirán de empresas que a día de hoxe non venden libros de papel.

7. COntinúa a lea do Book Settlement.

8. No futuro veremos 2009 como o ano do cénit do bestseller de papel.

víaCEO of Kobo makes predictions for ebooks in 2010 | TeleRead: Bring the E-Books Home.

Nova colección de libros para o iPhone

Publicado o 26 Febreiro 2010 por Tati Mancebo

Commutabooks é unha editora de libros que aparentemente non ten páxina web e que se venden para o iPhone a través da tenda de Apple. Prometen lecturas breves, poesía e prosa, axeitadas para ler na pantalla do teléfono, e acompañadas de arquivos de audio, por menos de 2 €.

víaShort stories publisher launches | theBookseller.com.

Máis e mellores libros para Europeana

Publicado o 26 Febreiro 2010 por Tati Mancebo

Europeana, a anunciada como gran biblioteca dixital europea, non vai á velocidade que debería; esta é a reclamación dun grupo de representantes no Parlamento Europeo, que demanda máis libros, mapas, clips de vídeo e fotografías para o portal e de máis países que os participantes até agora.

Europeana contén só un 5% de libros electrónicos, case o 50% dos cales provén de Francia, o 16% de Alemania e o 8% do Reino Unido e de Holanda.

O informe presentado por este comité fai fincapé no interese por evitar o baleiro de coñecemento entre Europa e o resto do mundo, en particular cos EUA.

víaMembers of European Parliament call for more and better content on Europeana | TeleRead: Bring the E-Books Home.

O ebook sobre, o papel baixa

Publicado o 24 Febreiro 2010 por Tati Mancebo

O mercado do ebook aumenta un 176% nos EUA. Pola contra, o libro de papel acusa un lixeiro descenso, que se concreta nunha baixada nas vendas de edicións de peto e de libro infantil de capa dura, contrarrestada por un aumento nas edicións de capa dura para adultos e nas edicións de peto infantís.

víaE-book sales climb 176% in US, doubling market share | theBookseller.com.

Así se le Wired no iPad

Publicado o 18 Febreiro 2010 por admin

Poesía infantil

Publicado o 18 Febreiro 2010 por admin

Chrissie Gittins vendeu 10.000 copias dos seus 2 primeiros poemarios, que ela mesma editou. Para o terceiro tivo unha proposta dunha editora que non incluía ningún tipo de adianto e rexeitouna. Gittins prefire promocionar ela mesma os seus libros na rede, parece que polo de agora cun éxito máis que aceptábel, que recibir o 7% dunha 1ª edición que nunca sabes que vida terá.

Children’s poetry can be successful, says self-published poet | theBookseller.com.

No camiño das subscricións

Publicado o 27 Xaneiro 2010 por Tati Mancebo

Spotify ten máis de 7 millóns de usuarios, dos cales aproximadamente pagan unha subscrición de 10 € ao mes por escoitar música sen cortes publicitarios e acceder a áreas de contidos exclusivas para os sobscritores.

Si, son uns ingresos de 2 millóns e medio de euros ao mes. Hai algún tempo todo o munso dicía que o sistema de pago por subscrición e streaming eran insostíbeis. Pasará moito tempo até que poidamos acceder a servizos de lectura similares?

Spotifys Premium service growing fast – Pocket-lint.

Novas obxeccións francesas a Google Books

Publicado o 22 Xaneiro 2010 por Tati Mancebo

O Syndicat National de L’Edition, SNE, vai presentar 10 páxinas de novas obxeccións ao asentamento de Google Books.

víaQuick note: French Publishers Association to make new Google objections | TeleRead: Bring the E-Books Home.

Apple non para de falar

Publicado o 22 Xaneiro 2010 por Tati Mancebo

Hai pouco contabamos que HarperCollins estaba en conversas de negocios con Apple ante a inminente presentación do seu novo tablet. Os rumores continúan e agora serían a división educativa de McGraw-Hill e o grupo Hachette.

O tablet de Apple vai vir como un capón de Vilalba. A próxima semana verémolo e fartarémonos de ler “xa o dixera eu”.

víaApple in talks with further two publishers | theBookseller.com.

Como leremos en 10 anos?

Publicado o 22 Xaneiro 2010 por Tati Mancebo

A gráfica mostra parte dos resultados da enquisa da Universidade de Colorado sobre as predicións de hábitos futiros de lectura realizada entre máis de 1000 persoas.

New survey on the future of the book | TeleRead: Bring the E-Books Home.