Apple e as grandes

Publicado o 20 Xaneiro 2010 por Tati Mancebo

Parece ser que non é só Harper Collins, como xa mencionamos, senón outros grupos editoriais, están a negociar con Apple produtos, prezos e modelos de negocio, ante a inminente saída a finais deste mes dese tablet que virá ser, segundo rimores, un iPhone ou un iPod de gran tamaño.

As editoras seguen coa idea de contatacar os prezos de Amazon, que quere fixar en estándar os 10 $ que está a cobrar por moitas das novidades editoriais. En poucos días saberemos se habemus novo mercado ou unha nova parte do que xa existe.

US publishers seek new digital model with Apple | theBookseller.com.

Google Books: os axentes non saben que aconsellar

Publicado o 20 Xaneiro 2010 por Tati Mancebo

Google dálles até o día 28 de xaneiro para se decidiren. Moitos escritores ven unha gran oportunidade para volveren á vida todos os seus títulos descatalogados e argallar estratexias en bloque. Mais os axentes literarios non o ven claro. Para eles semella que as modificacións introducidas con posterioridade á primeira proposta non foron suficientes para deixar de vulnerar as Leis da propiedade intelectual e en moitos casos están a pedir aos seus clientes que sexan eles quen asuman a responsabilidade de entrar na maquinaria de Google ou ficar fóra. Saben que as consecuencias de calquera das dúas opcións poden significar moitos ceros e non saben a que carta quedar, así que prefiren que sexan os propios autores quen decidan e que unca poidan botarlles as culpas.

Agents offer authors mixed advice on Google | theBookseller.com.

O optimismo dos libreiros alemáns

Publicado o 20 Xaneiro 2010 por Tati Mancebo

Os distribuidores alemáns séntense moito máis optimistas que hai exactamente un ano, de acordo cun informe recente de Buchreport. Aínda con todo, as editoras de non ficción e de libros de autoaxuda non deberían alegrarse en exceso pois as librarías teñen decidido mercar menos títulos desas categorías este ano. A súa aposta centrarase nas edicións de peto, polo que tamén tentarán ser máis selectivos coa narrativa de capa dura e os audiolibros.

Por outra banda, un terzo dos entrevistados esperan redondear os seus obxectivos a base de videoxogos e outros produtos de lecer.

vía German Booksellers Optimistic, Shun Self Help .

50 lugares onde procurar libros

Publicado o 19 Xaneiro 2010 por Tati Mancebo

Peter Scott’s Library Blog: 50 Cool Search Engines for Serious Readers.

Venda de ebooks sobe en España 500% en 2009

Publicado o 19 Xaneiro 2010 por Tati Mancebo

O director executivo de TodoeBook asegura que o feito de térense vendido en España 100.000 lectores de ebooks fixo subir a venda de ebooks de maneira exponencial.

Como me gustaría coñecer as listas de máis vendidos, dos máis rendíbeis en función dos seus prezos, o papel das redes sociais nas vendas, os formatos preferidos, en fin…

víaSpanish ebook sales increase 500% in 2009 | TeleRead: Bring the E-Books Home.

A que dedica o tempo libre?

Publicado o 19 Xaneiro 2010 por Tati Mancebo

Sigo pensando que un dos camiños interesantes para o libro na rede está na lectura online, liberada da posesión física dos arquivos, enriquecida cos valores da lectura social e as posibilidades de anotación.

Where Does Reading Rank for You? | Dear Author: Romance Novel Reviews, Industry News, and Commentary.

O tablet de Apple non virá baleiro

Publicado o 19 Xaneiro 2010 por Tati Mancebo

Hai rumores de que Apple está a negociar con distintas editoras, entre elas Harper Collins, para pechar acordos de distribución de libros de cara á próxima saída do seu novo aparello multitarefa e ubicuo.

Non é só que a oferta vaia provocar a demanda, senón que as novas regras de xogo esixen novos terreos e novos equipamentos. Parece que a decisión última do paso do libro de papel ao electrónico depende da vontade dos lectores mais non é así. O cambio de paradigma está a obedecer, con atrancos e aceleróns, a unha realidade máis ampla en que coinciden os avances tecnolóxicos, que permiten experiencias inéditas, a crise enerxética, os modelos de negocio insustentábeis e o concepto de propiedade intelectual, entre outros.

HarperCollins believed to be in talks with Apple | theBookseller.com.

Ebooks en Australia

Publicado o 19 Xaneiro 2010 por Tati Mancebo

Espérase a saída de media ducia de dispositivos de lectura para este ano.

At least a dozen new hand-held devices are expected to hit the Australian market this year and spark a surge in demand for e-books.

Até o momento só dúas das principais editoras levan dixitalizado un número significante de libros: Allen & Unwin conta con 1500 títulos, mentres que Pan Macmillan Australia ten 500 libros preparados.

A Biblioteca Nacional de Australia só tiña dixitalizado 2.366 libros en xullo do ano pasado.

vía theage

Revolucionario lector de Asus confirmado

Publicado o 18 Xaneiro 2010 por Tati Mancebo

Non me prace nada comentar cada novo lector de libros que se anuncia ou que se pon á venda porque xa perdín o interese por este tipo de aparellos, sen ter tido ningún! Mais hai algunhas noticias que poden marcar un antes en un despois na tecnoloxía doméstica.

Parece ser que Asus vén de confirmar as especificacións técnicas DR-750, o novo ereader anunciado para finais de 2010, logo de que durante a fin de semana en varios blogues dos máis recoñecidos se dubidase da súa existencia. O prezo ofrecido está por baixo dos 200 $.

Mais para o último trimestre deste ano terá agromado xa unha variedade de tablets que, aínda que por máis cartos, permitirán moitas máis operacións que calquera lector de ebooks, por bo que sexa, e eu non terei dúbidas.

Asus readies colour e-book reader • Register Hardware.

Non vaias ao mercado estadounidense sen axente

Publicado o 18 Xaneiro 2010 por Tati Mancebo

Hai moitos anos, os libros que chegaban ás oficinas das editoras enviados por incansábeis autores na procura de quen os descubrise para a posteridade, formaban as slush piles, moreas de quilos de nova pasta de papel.

Parece ser que o último libro editado por Random House sen intermediación dun axente foi publicado en 1991. A razón é que os editores non se atreven a publicar calquera cousa que reciben sen defensa explícita dunha axencia polo temor a que sexa un plaxio e que isto poida traerlle grandes problemas legais.

Teño idea de que en Galiza existe só unha axencia literaria e que está dedicada sobre todo á venda de dereitos no exterior, así que a situación é para nós totalmente distinta. Ou precisamente é relativamente fácil publicarmos un libro en galego mais tan difícil como para calquera, por moito que se teña publicado en galego xa, traspasar as fronteiras galegas e conseguir levalo ás tendas de Bilbao, de madrid, do Porto ou de Lisboa?

The death of the slushpile—and the rise of new choices like self-published e-books | TeleRead: Bring the E-Books Home.

Olark Livehelp