Rapidamente se desenvolverán aplicación para evitar estes controis. Os usuarios máis avanzados seguirán e os máis atrasados pagarán o pato. Segundo pase o tempo, a medida deixará de ser útil mais haberá novas solucións para novos problemas. Desde logo, como campaña de alfabetización dixital non ten prezo.
Interésame moito a panorámica que promete fornecer e é unha boa ocasión para probar a tradución automática do alemán nun texto longo. A ver se consigo lelo así, porque de alemán non sei nin palabra.
“A través de numerosas entrevistas, imágenes y descripciones que contiene el libro, el lector podrá entender más profundamente la vida diaria de los participantes en esta escena netaudio.”
vía netaudio
Grazas, Uxío, pola ligazón. E tamén por estoutra sobre o estudo que mostra que “enfraquecimento nos direitos de autor beneficia produçao cultural”
Leonard Cohen acaba de sacar disco en directo, gravado na xira de 2008. Cóntame un amigo que sufriu unha estafa por parte do seu axente, que o deixou cos petos baleiros, e que saiu de xira para volver gañar o retiro. Unha vez máis perdín o seu concerto, esta vez en Lisboa, como xa me pasara en 1986.
O ano anterior fora a Hastings un mes para aprender inglés. Aparte de que voltara con oito ou dez quilos que non levara, aterrar por sorpresa nun colexio/residencia do Opus vasco máis rancio proporcionárame a proba máis sólida para a miña madurez que podía soñar daquela así que, aos 17 anos sentíame capacitada para viaxar soa a calquera lugar do mundo.
Cando pedín permiso para ir ao concerto de Leonard Cohen en Madrid levei un chasco maiúsculo ao non me ser concedido. A noticia pillárame por sorpresa, sen cartos e sen infraestrutura preparada. Supoño que a Alicia a terían deixado, de irmos as dúas, mais a min déronme un non rotundo que non deu lugar a dúbidas.
Desde que o profesor de inglés nos puxera Suzanne en clase para encher ocos na letra, Alicia e eu fixerámonos cos disos que atoparamos e pasaramos moitas tardes escoitándoos e traducindo as letras na sala da súa casa. Foi para nós a descuberta da Poesía, arrolada pola voz máis sensual que que tiñamos escoitado xamais.
Have a nice old age, Lenny!
[kml_flashembed movie="http://www.youtube.com/v/pGfgMYfdBFc" width="425" height="350" wmode="transparent" /]
Nun momento en que Last.FM se vai facer de pago nos países onde non atopa financiamento, Mixtape.me é un lugar moi interesante onde facer listas de reprodución moi facilmente, para escoitar, por exemplo as cancións máis famosas de grupos que non coñezamos moito.
Por outra banda, Screentoaster é unha alicación online que nos permite gravar en vídeo o que facemos no ordenador. Moi útil para preparar presentacións e turotiais.
E, falando de presentacións, unha moi interesante, coas 99 mellores aplicacións sociais orientadas á educación.